تم مرے پاس ہوتے ہو گویا

جب کوئی دوسرا نہیں ہوتا

کیا سناتے ہو کہ ہے ہجر میں جینا مشکل

تم سے بےرحم پہ مرنے سے ، تو آساں ہوگا

مانگا کریں گے اب سے دعا ہجرِ یار کی

آخر تو دشمنی ہے دعا کو اثر کے ساتھ

دل کے آئینہ میں ہے تصویرِ یار

اک ذرا گردن جھکائی ، دیکھ لی

خوشی نہ ہو مجھے کیوں کر قضا کے آنے کی

خبر ہے لاش پہ اس بےوفا کے آنے کی

وہ آئے ہیں پشیماں لاش پر اب

تجھے اے زندگی لاؤں کہاں سے

وہ جو ہم میں تم میں قرار تھا ، تمہیں یاد ہو کہ نہ یاد ہو

وہی وعدہ ، یعنی نباہ کا ، تمہیں یاد ہو کہ نہ یاد ہو