عمل سے زندگی بنتی ہے ، جنت بھی جہنم بھی

یہ خاکی اپنی فطرت میں نہ نوری ہے نہ ناری ہے

وہ ایک سجدہ جسے تو گراں سمجھتا ہے

ہزار سجدوں سے دیتا ہے ، آدمی کو نجات

کبھی اے حقیقتِ منتظر! ، نظر آ لباسِ مجاز میں

کہ ہزاروں سجدے تڑپ رہے ہیں مری جبینِ نیاز میں

رات کو رات کہہ دیا میں نے

سنتے ہی بوکھلا گئی دنیا

نشیمن پر مرے ، بارِ کرم ساری زمیں کا ہے

کوئی تنکا کہیں کا ہے ، کوئی تنکا کہیں کا ہے

نشیمن پر نشیمن اس قدر تعمیر کرتا جا

کہ بجلی گرتے گرتے آپ خود بیزار ہو جائے

نہ پوچھو لذتیں کچھ خانماں برباد رہنے کی

نشیمن سینکڑوں ہم نے بنا کر پھونک ڈالے ہیں

اک شاخِ سر نگوں پر رکھ لیں گے چار تنکے

نہ بلند شاخ ہوگی ، نہ جلے گا آشیانہ

لاؤں کہاں سے وہ تنکے آشیانے کے لئے

بجلیاں بیتاب ہوں جن کو جلانے کے لئے

اچھا ہے دل کے پاس رہے پاسبانِ عقل

لیکن کبھی کبھی اسے تنہا بھی چھوڑ دے

مہینے وصل کے گھڑیوں کی صورت اڑتے جاتے تھے

مگر گھڑیاں جدائی کی گزرتی ہیں مہینوں میں

خودی کو کر بلند اتنا کہ ہر تقدیر سے پہلے

خدا بندے سے خود پوچھے بتا تیری رضا کیا ہے

سو سو امیدیں بندھتی ہیں اک اک نگاہ سے

مجھ کو نہ ایسے پیار سے دیکھا کرے کوئی

کافر کی یہ پہچان کہ آفاق میں گم ہے

مومن کی یہ پہچان کہ گم اس میں ہیں آفاق

نشہ پلا کے گرانا تو سب کو آتا ہے

مزا تو جب ہے کہ ، گرتوں کو تھام لے ساقی

فرقہ بندی ہے کہیں اور کہیں ذاتیں ہیں

کیا زمانے میں پنپنے کی یہی باتیں ہیں

سو سو امیدیں بندھتی ہیں اک اک نگاہ میں

مجھ کو نہ ایسے پیار سے دیکھا کرے کوئی

ترے آزاد بندوں کی نہ یہ دنیا نہ وہ دنیا

یہاں مرنے کی پابندی وہاں جینے کی پابندی

جس کھیت سے دہقاں کو میسر نہ ہو روزی

اس کھیت کے ہر خوشۂ گندم کو جلا دو

یہ اور بات تھی کہ تعارف نہ ہو سکا

ہم زندگی کے ساتھ ، بہت دور تک گئے

بٹھا کے عرش پہ رکھا ہے ، تو نے اے واعظ!

خدا وہ کیا ہے جو بندوں سے احتراز کرے

اڑائی قمریوں نے ، طوطیوں نے ، عندلیبوں نے

چمن والوں نے مل کر لوٹ لی طرزِ فغاں میری

عجب آرزو ہے انوکھی طلب ہے

تجھی سے تجھے مانگنا چاہتا ہوں