روشنی تاریکیوں ، سے کم نہیں

ہم غریبوں کی ، سحر بھی شام ہے

شبِ غم اک سحر پہ ، تھی موقوف

وہ بھی کم بخت ، ٹل گئی ہوگی

مقبول ہوں نہ ہوں ، یہ مقدر کی بات ہے

سجدے کسی کے در پہ ، کئے جا رہا ہوں میں

ڈوب جاتے ہیں امیدوں کے ، سفینے اس میں

میں نہ مانوں گا کہ آنسو ہے ، ذرا سا پانی

گرم آہوں کو تو روکوں گا ، مگر خوف ہے یہ

گرم اشکوں سے نہ جل جائے ، نشیمن میرا

رازِ الفت کو بھی رسوا کر دیا ، میری طرح

اور لے ڈوبی ، مرے اشکوں کی ، طغیانی مجھے

کوئی دل ٹوٹا تو نکلی یہ صدا

دوستی کا بس یہی انجام ہے

مقبول ہوں نہ ہوں ، یہ مقدر کی بات ہے

سجدے کسی کے در پہ ، کئے جا رہا ہوں میں

اب کہاں سر مستیٔ عہدِ شباب

زندگی لینے لگی انگڑائیاں

یہ ادا ہوئی کہ جفا ہوئی ، یہ کرم ہوا ، کہ سزا ہوئی

انہیں شوقِ دید عطا کیا ، جو نگاہ کی تاب نہ لا سکیں

کیا خاک اس کے قرب کی ہوتی مجھے امید

آنکھوں میں رہ کے بھی جو نگاہوں سے دور تھا

موت ہی ، انسان کی دشمن نہیں

زندگی بھی ، جان لے کر جائے گی

رنج و غم ، درد و الم ، یاس و تمنا ، حسرت

اک تری یاد کے ہونے سے ، ہے کیا کیا دل میں

آپ کیا پوچھتے ہیں ، قیمتِ خودداریٔ دل

ساری دنیا کی بھی دولت ، مجھے منظور نہیں

اک میں کہ انتظار کی ، گھڑیاں گنا کروں

اک تم کے مجھ سے آنکھ بچا کر چلے گئے

پی لوگے تو اے شیخ! ذرا گرم رہو گے

ٹھنڈا ہی نہ کر دیں تمہیں جنت کی ہوائیں

گلہ نہیں ہے مجھے آپ سے کہ بھول گئے

مرے خدا کو بھی عادت ہے بھول جانے کی

جینے کے لئے شرط ہے ، دنیا کی تباہی

اربابِ سیاست کی ، سیاست کوئی دیکھے

موت ہی انسان کی دشمن نہیں

زندگی بھی جان لے کر جائے گی

غم دئے ، رنج دئے ، تم کو خدا نے اے جوشؔ

پھر بھی یہ پوچھ رہے ہو ، کہ خدا ہے کہ نہیں