برق و نشیمن

نشیمن میں ہی کون سے سکھ ملے ہیں

جو روؤں نشیمن کو رہ کر قفس میں

نشیمن پر مرے ، بارِ کرم ساری زمیں کا ہے

کوئی تنکا کہیں کا ہے ، کوئی تنکا کہیں کا ہے

نشیمن پر نشیمن اس قدر تعمیر کرتا جا

کہ بجلی گرتے گرتے آپ خود بیزار ہو جائے

نہ پوچھو لذتیں کچھ خانماں برباد رہنے کی

نشیمن سینکڑوں ہم نے بنا کر پھونک ڈالے ہیں

خود آگ دے کے اپنے ،نشیمن کو آپ ہی

بجلی سے انتقام لیا ہے کبھی کبھی

باغباں تو ہی بتا کس نے اسے پھونک دیا

آشیاں میں نے بنایا تھا ، بڑی محنت سے