تصور-خیال

دامن کسی کا ہاتھ سے جاتا رہا مگر

اک رشتۂ خیال ہے ، جو ٹوٹتا نہیں

حیراں ہوئے نہ تھے جو ، تصور میں بھی کبھی

تصویر ہو گئے ، تری تصویر دیکھ کر

یوں تو رہتی ہے تصور میں تمہاری صورت

پھر بھی مل جاؤ تو تسکین سی ہو جاتی ہے

تصور میں ہی آ جاتے تمہارا کیا بگڑ جاتا

تمہارا پاس رہ جاتا ، ہمیں دیدار ہو جاتا

دل ڈھونڈھتا ہے پھر وہی فرصت کے رات دن

بیٹھے رہیں تصورِ جاناں کئے ہوئے

جب تصور میں بھی تم مرے ساتھ ہو

میری خلوت میں آؤ ، تو کیا بات ہو!