گلہ-شکوہ

نہیں شکوہ مجھے کچھ ، بےوفائی کا تری ہرگز

گلہ تب ہو ، اگر تو نے ، کسی سے بھی نبھائی ہو

سنے جاتے نہ تھے تم سے ، مرے دن رات کے شکوے

کفن سرکاؤگے ، میری بےزبانی دیکھتے جاؤ

مجھ کو شکوہ ہے اپنی آنکھوں سے

تم نہ آئے تو نیند کیوں آئی

دوستوں سے اس قدر صدمے اٹھائے جان پر

دل سے دشمن کی عداوت کا گلہ جاتا رہا

مٹایا ہے ہمیں نے اس کو ورنہ کیا سے کیا ہوتی

ہماری داستاں جتنا گلہ ہم سے کرے کم ہے

کیا ضروری ہے کہ الفاظ میں اظہار کروں

مجھ کو آنکھوں سے بھی آتا ہے شکایت کرنا