حادثہ-حوادث-حادثات-حالات

کس درجہ دل شکن تھے محبت کے حادثے

ہم زندگی میں پھر کوئی ارماں نہ کر سکے

دلِ انساں پہ حوادث کی یہ چوٹیں توبہ

پھول کے سینے پہ توڑے گئے پتھر کتنے

یہ حوادث یہ طوفاں یہ موجِ بلا

ایسے عالم میں بھی مسکرانا پڑا

اس دورِ بےضمیر میں جینا سکھا دیا

حالات نے ہمیں بھی منافق بنا دیا

حالات تھے جو بھیڑ میں پھرتے رہے لئے

ورنہ ہر ایک آدمی خلوت پسند تھا

اس دورِ بےضمیر پہ کیا گزرا حادثہ

لگتا ہے میرے عہد کا انسان مر گیا