غمگسار-غمخوار

ہنسی آئی تو ہے بےکیف سی لیکن خدا جانے

مجھے مسرور پاکر میرے غمخواروں پہ کیا گزری

مسرتوں میں برابر شریک تھے احباب

مگر نہ غم میں بن کے کوئی غمگسار آیا

یہ سوچ کر بھی ہنس نہ سکے ہم شکستہ دل

یارانِ غمگسار کا دل ٹوٹ جائے گا

مجھ سے اس بات پہ ناراض ہے دنیا ساری

میں نے کیوں کر کسی مظلوم کی غمخواری کی

ہم تو راضی نہیں تھے مرنے پر

غمگساروں نے مار ڈالا ہے

عید و دیوالی منانے سے کہیں بہتر ہے

ہم کسی مفلس و نادار کے ہمدم ہوتے