ظلم و ستم - رحم و کرم

جو ستم غیر کے قابل تھا ، وہ مجھ پر ہوتا

کاش تو میرے اکیلے کا ستم گر ہوتا

تیرا کرم تو عام ہے دنیا کے واسطے

ہم کتنا لے سکے یہ مقدر کی بات ہے

فرقِ غم و نشاط تو کہنے کی بات ہے

ورنہ ترا ستم بھی ترا التفات ہے

تقدیر کے قدموں میں سر رکھ کے پڑے رہنا

تائیدِ ستم گر ہے چپ رہ کے ستم سہنا

ستونِ دار پہ رکھتے چلو سروں کے چراغ

جہاں تلک یہ ستم کی سیاہ رات چلے

اگر ظلم چپ چاپ سہتے رہیں گے

مظالم بھی ظالم کے بڑھتے رہیں گے