توبہ

وہ کون تھے جنہیں توبہ کی مل گئی فرصت

یہاں گناہ بھی کرنے کو زندگی کم ہے

یہ کم نہیں ہے ، بڑھاپے میں ، ہم نے کی توبہ

تمام عمر میں ہم نے یہ ایک نیک کام کیا

جلالؔ عہدِ جوانی ہے ، داغِ دل سو بار

ابھی تو توبہ نہیں ، اعتبار کے قابل

میں اور بزمِ مے سے ، یوں تشنہ کام آؤں

گر میں نے کی تھی توبہ ، ساقی کو کیا ہوا تھا

شور تھا بوتل اٹھے مینا اٹھے ساغر اٹھے

اتنی ساقی نے پلا دی رند توبہ کر اٹھے

اندھیرے بادلوں سے پوچھ اے زاہد

مری کھوئی ہوئی توبہ کہاں ہے

مجھ کو اتنی پلا دے اے ساقی!

توبہ کرنی محال ہو جائے