احساس

اتنا مایوس نہ ہو اے مرے زخمی احساس

لوگ کہتے ہیں ابھی کارِ رفو باقی ہے

احساس مر نہ جائے تو انسان کے لئے

کافی ہے ایک بار کی ٹھوکر لگی ہوئی

احساس سے انداز بدل جاتے ہیں ورنہ

دامن بھی ، اسی تار سے ، بنتا ہے کفن بھی

احساس کا ہر زخم نظر آتا ہے اس میں

رسوا مجھے آئینۂ اشعار نہ کر دے

ڈرتا ہوں کہیں آپ کی بےلوث نوازش

خودداریٔ احساس کو مجروح نہ کر دے

بس یہ احساس کہ تو میرا ہے

مجھ کو ہر لمحہ سکوں دیتا ہے