منزل-کارواں-قافلہ

میں اکیلا ہی چلا تھا جانبِ منزل مگر

لوگ ساتھ آتے گئے اور کارواں بنتا گیا

نکل جا عقل سے آگے کہ یہ تو

چراغِ راہ ہے منزل نہیں ہے

منزل کی طرف کیا پہنچیں گے ہر گام پہ دھوکا کھائیں گے

وہ قافلے والے جو اپنے سردار بدلتے رہتے ہیں

نہ ملے سراغِ منزل کہیں ، عمر بھر کسی کو

نظر آ گئی ہے منزل ، کہیں دو قدم ہی چل کے

صرف اک قدم اٹھا تھا ، غلط راہِ شوق میں

منزل تمام عمر ، مجھے ڈھونڈھتی رہی

پہلے منزل کا تعین کیجئے

راستہ تو خود بہ خود مل جائے گا