شاید مجھے نکال کر ، پچھتا رہے ہوں آپ

محفل میں اس خیال سے ، پھر آ گیا ہوں میں

آئے بھی لوگ ، بیٹھے بھی ، اٹھ کر چلے گئے

میں جا ہی ڈھونڈھتا ، تری محفل میں رہ گیا

بڑے نادان تھے ، وہ چند آنسو

جو اتنی سادگی سے ، بہہ گئے ہیں

دل ابھی پوری طرح ٹوٹا نہیں

دوستوں کی مہربانی چاہئے

جس کو کہتے ہیں ، دوستوں کا خلوص

وہ ستم ، بےحساب دیکھے ہیں

ذرا اک تبسم کی ، تکلیف کرنا

کہ گلزار میں ، پھول مرجھا رہے ہیں

شبنم کی ایک بوند تھی ، پھولوں کی کائنات

وہ بھی نہ بچ سکی ، ہوسِ آفتاب سے

کتنے عروج پہ بھی ہو ، موسم بہار کا

ہے پھول بس وہی ، جو سرِ زلفِ یار ہو

دیکھ کر چنئے گا ، گل ہائے مراد

تاک میں ہوتے ہیں ، اکثر خار بھی

بہت مشکل ہے دنیا کا سنورنا

تری زلفوں کا پیچ و خم نہیں ہے

محسوس یہ ہوا ترے دامن کو تھام کر

جیسے کہ ہاتھ میں نے دو عالم پہ رکھ دیا

کتنا موزوں گناہ کرتے ہیں

ہم تری سادگی پہ مرتے ہیں

کون انگڑائی ، لے رہا ہے عدمؔ

دو جہاں لڑکھڑائے جاتے ہیں

دیکھا ہے کس نگاہ سے تو نے ، ستم ظریف

محسوس ہو رہا ہے میں ، غرقِ شراب ہوں

مرنے والے تو خیر ہیں بےبس

جینے والے کمال کرتے ہیں

دل ابھی پوری طرح ٹوٹا نہیں

دوستوں کی مہربانی چاہئے

دلِ ناکام ہی تم نے دیا تھا

دلِ ناکام لے کر جی رہے ہیں

دل کے معاملات میں ، سود و زیاں کی بات

ایسے ہیں جیسے موسم گل میں ، خزاں کی بات

وہ چشمِ مست کتنی ، خبردار تھی عدمؔ

خود ہوش میں رہی ، ہمیں بدنام کر دیا

تیری آنکھیں بھی مانگتی ہیں شراب

میکدے خود بھی جام پیتے ہیں

خیال ہی نہیں آیا نہ آنے کا ترے

کچھ اس خلوص سے ہم محوِ انتظار رہے

جنابِ شیخ یہ کیا ماجرا ہوا آخر

سنا ہے آپ کو کعبہ میں بھی ، خدا نہ ملا

ہم تو راضی نہیں تھے مرنے پر

غمگساروں نے مار ڈالا ہے

انسانیت کی بات تو اتنی ہے شیخ جی!

بدقسمتی سے آپ بھی انسان بن گئے

زبانِ ہوش سے یہ کفر سرزد ہو نہیں سکتا

میں کیسے بن پیے لے لوں ، خدا کا نام ہے ساقی

غرورِ مے کشی کی ، کون سی ، منزل ہے یہ ساقی

کھنک ساغر کی ، آوازِ خدا معلوم ہوتی ہے

تیری آنکھیں بھی مانگتی ہیں شراب

میکدے خود بھی جام پیتے ہیں

طلوعِ حشر کا کیا اعتبار ہے پیارے

دراز ہو تو شبِ انتظار ہے پیارے

اس سے بڑھ کر دوست کوئی دوسرا ہوتا نہیں

سب جدا ہو جائیں لیکن غم جدا ہوتا نہیں

ہے قیامت بھی ایک شے لیکن

تیری انگڑائی جیت جائے گی

گئے ہیں ہم بھی گلستاں میں بارہا لیکن

کبھی خزاں سے پہلے کبھی بہار کے بعد

منجدھار تک پہنچنا تو ہمت کی بات تھی

ساحل کے آس پاس ہی طوفان بن گئے

اے ناخدا! سفینہ کا اب کوئی غم نہ کر

ہم فرض کر چکے ہیں کہ ساحل نہیں رہا

مرنے والے تو خیر بے بس ہیں

جینے والے ، کمال کرتے ہیں

گناہِ زندگی کرنے کی خاطر

بسا اوقات مر جانا پڑا ہے

آ جاؤ اور بھی ، ذرا نزدیک جانِ من!

تم کو قریب پا کے ، بہت خوش ہے زندگی

دل خوش ہوا ہے مسجدِ ویراں کو دیکھ کر

میری طرح خدا کا بھی خانہ خراب ہے

ہر موج ناخدا بنی ، بےچارگی کے بعد

کشتی کے ڈوبتے ہی ، سہارے نکل پڑے

زبانِ ہوش سے یہ کفر ، سرزد ہو نہیں سکتا

میں کیسے بن پئے لے لوں ، خدا کا نام ہیں ساقی

جس دن یہ ہاتھ پھیلے ، اہلِ کرم کے آگے

اے کاش اس سے پہلے ہم کو خدا اٹھا لے

کیسی مہلک خطا ہوئی ہم سے

ناؤ میں ناخدا سے لڑ بیٹھے

صرف اک قدم اٹھا تھا ، غلط راہِ شوق میں

منزل تمام عمر ، مجھے ڈھونڈھتی رہی

ذکر کرتے ہوئے ان آنکھوں کا

ہم چلے آئے میخانہ تک