جن خطروں سے ، انساں کو ڈرایا ہے خدا نے

ان سب میں خطرناک ، خود انساں ہے ابھی تک

یہ رکے رکے سے آنسو ، یہ گھٹی گھٹی سی آہیں

یوں ہی کب تلک خدایا! غمِ زندگی نباہیں

ہزاروں دشمنوں کی دشمنی سے

تمہاری دوستی بھی کم نہیں ہے

جو جھکا ہو کہیں ، تیرے آستاں کے سوا

مری جبیں کو تری ، بندگی نصیب نہ ہو

کچھ آرزوئیں دل کی بر آئی ہیں اس طرح

کچھ مل کے آنسوؤں میں بھی ارماں نکل گئے

کیوں مر گیا نہ میں ، دمِ رخصت غضب ہوا

اک عمر یہی بس مجھے ارمان رہے گا

اے شمعِ صبحِ محفل ، ان کو جلا کے بجھنا

دو چار اور تیرے پروانے رہ گئے ہیں

حسن بھی کمبخت کب خالی ہے سوزِ عشق سے

شمع بھی تو رات بھر جلتی ہے پروانوں کے ساتھ

خدا کے بندے بھی ، کعبہ میں ، اب نہیں بنتے

صنم کدے میں ، خدا بھی ، بنائے جاتے ہیں

کعبہ میں مسلماں کو بھی کہہ دیتے ہیں کافر

مےخانہ میں کافر کو بھی کافر نہیں کہتے

بلبل کو پیار باغ سے کوئل کو بن سے پیار

کیوں کر نہ آدمی کو ہو اپنے وطن سے پیار

جب مسیحا دشمنِ جاں ہو تو کیوں کر ہو علاج

کس طرح راستہ طے ہو جب خضر بہکانے لگے

حد بھی کوئی انتظار کی ہے

اب چاندنی دھوپ ہو چلی ہے

موت کے تاریک راستہ میں کوئی مسافر نہ راہ بھولے

میں شمعِ ہستی بجھا کے اپنی ، چراغِ تربت جلا رہا ہوں

زندگی کو سنبھال کر رکھئے

زندگی موت کی امانت ہے

کسی سے تو کسی کی ، موت بھی دیکھی نہیں جاتی

مگر مجھ سے تو اپنی ، زندگی دیکھی نہیں جاتی

ڈالی تھی تو نے اک محبت بھری نظر

کتنے چراغ دل میں تمنا کے جل گئے