زندگی کے غموں کو ، اپنا کر

ہم نے دراصل ، تجھ کو اپنایا

عقل سے صرف ، ذہن روشن تھا

عشق نے دل میں ، روشنی کی ہے

طوفاں سے ، اپنی کشتی بچانا تو سہل ہے

طوفان کے وقار کا ، دل توٹ جائے گا

آسودگی نہیں مری کشتی کو سازگار

ٹکرا کے ٹوٹ جائے گی ساھل اگر ملا

کوئی دیکھے تو ، بزمِ زندگی میں

اجالوں نے اندھیرا ، کر دیا ہے

دشمنوں نے تو دشمنی کی ہے

دوستوں نے بھی کیا کمی کی ہے

دشمنوں کا تو ذکر ہی کیا ہے

دوستوں سے بھی ڈر گئے ہیں ہم

ہمیں جب بھی دھوکا دیا دوستوں نے

ہمیں اپنے دشمن بہت یاد آئے

دل لاکھ سخت جاں ہو مگر ٹوٹ جائے گا

یارانِ پرخلوص کی امداد چاہئے

دوستوں نے دئے ہیں زخم کہاں

دوستی کا صلہ دیا ہے مجھے

کتنا بڑا ثبوت مری سادگی کا ہے

احباب سے خلوص کا خواہاں رہا ہوں میں

دوستی اور اس زمانہ میں

ذکر کرتے ہو کس زمانے کا

غیروں کی دشمنی تو ، بڑی جاں نواز تھی

اپنوں کے التفات سے ، مارے گئے ہیں ہم

جب بھی آتی ہے ، ہنسی اپنی تباہی پہ مجھے

جانے کیا سوچ کے ، اغیار بھی رو دیتے ہیں

غنچوں کے مسکرانے پہ ، کہتے ہیں ہنس کے پھول

اپنا کرو خیال ، ہماری تو کٹ گئی

بڑی ظالم نہایت بےوفا ہے

یہ دنیا پھر بھی کتنی خوشنما ہے

گناہ سے ہمیں رغبت نہ تھی ، مگر یا رب

تری نگاہِ کرم کو بھی ، منہ دکھانا تھا

اس کے سوا کہ پی کے میں ، اکثر بہک گیا

کچھ اور بھی ہے کیا ، مری فردِ گناہ میں

شیخ! تیرے خدا کی رحمت کو

ہر گنہ گار سے محبت ہے

مفلسوں کا حال کیا ہے پوچھئے

حسرتوں نے عمر بھر پیچھا کیا ہے

اے شمع! تو جلی ہے ، جو خاموش بزم میں

چپ چاپ تیری آگ میں ، پروانہ بھی جلا

زندگی سے تو خیر شکوہ تھا

مدتوں موت نے بھی ترسایا

دل لاکھ سخت جاں ہو مگر ٹوٹ جائے گا

یارانِ پرخلوص کی امداد چاہئے

یہ سوچ کر بھی ہنس نہ سکے ہم شکستہ دل

یارانِ غمگسار کا دل ٹوٹ جائے گا

فیصلہ ہوتا ہے نیکی و بدی کا ہر دم

دل کو اس جسم میں چھوٹی سی عدالت سمجھو

مرے پہلو میں دل تو ہے یقیناً

ازل سے ہی مگر ، ٹوٹا ہوا ہے

یاد آتا ہے مجھے جب بھی تبسم تیرا

دیر تک جلتے چراغوں کا سماں رہتا ہے

اللہ رے بےخودی کہ ترے پاس بیٹھ کر

تیرا ہی انتظار کیا ہے کبھی کبھی

انساں کا خون پینا تو اک رسم عام ہے

انگور کی شراب کا پینا حرام ہے

وہ آنکھ ہے حجاب کے عالم میں اس طرح

اک بادہ کش ہو جیسے کسی خانقاہ میں

جب بہاروں نے نہ پایا کوئی بھی اپنا مقام

تیرے ہونٹوں کے تبسم سے لپٹ کر سو گئیں

جس کو دیر و حرم میں کھویا تھا

میکدہ میں وہ زندگی پائی

زندگی سے تو ، خیر شکوہ تھا

مدتوں موت نے بھی ترسایا

جیسے مری نگاہ نے دیکھا نہ ہو تجھے

محسوس یہ ہوا تجھے ، ہر بار دیکھ کر