میری قسمت میں غم ، گر اتنے تھے

دل بھی یا رب ، کئی دئے ہوتے

محبت میں نہیں ہے فرق ، جینے اور مرنے کا

اسی کو دیکھ کر جیتے ہیں ، جس کافر پہ دم نکلے

مجھ تک کب ان کی بزم میں ، آتا تھا دورِ جام

ساقی نے کچھ ملا نہ ، دیا ہو شراب میں

اجالا تو ہوا کچھ دیر کو ، صحنِ گلستاں میں

بلا سے پھونک ڈالا ، بجلیوں نے آشیاں میرا

یہ فتنہ آدمی کا ، خانہ ویرانی کو کیا کم ہے

ہوئے تم دوست جس کے ، دشمن اس کا آسماں کیوں ہو

مسجد کے زیرِ سایہ اک گھر بنا لیا ہے

اک بندۂ کمینہ ہمسایۂ خدا ہے

جی کانپتا ہے خلد میں ، رکھتے ہوئے قدم

ڈر ہے کہ اس زمیں پہ بھی ، آسماں نہ ہو

اگ رہا ہے در و دیوار پہ سبزہ غالبؔ

ہم بیاباں میں ہیں ، اور گھر میں بہار آئی ہے

ناکردہ گناہوں کی بھی حسرت کی ملے داد

یا رب اگر ان کردہ ، گناہوں کی سزا ہے

کتنے شیریں ہیں ، تیرے لب کہ رقیب

گالیاں کھا کے بے مزہ نہ ہوا

غضب کیا ترے وعدہ پہ ، اعتبار کیا

تمام رات قیامت کا ، انتظار کیا

ترے وعدہ پہ جئے ہم تو یہ جان جھوٹ جانا

کہ خوشی سے مر نہ جاتے ، اگر اعتبار ہوتا

نیند اس کی ہے ، دماغ اس کا ہے ، راتیں اس کی ہیں

تیری زلفیں ، جس کے شانے پر پریشاں ہو گئیں

موت کا ایک دن معین ہے

نیند کیوں رات بھر نہیں آتی

پہلے آتی تھی حالِ دل پہ ہنسی

اب کسی بات پر ، نہیں آتی

اگ رہا ہے در و دیوار پہ سبزہ غالبؔ

ہم بیاباں میں ہیں ، اور گھر میں بہار آئی ہے

کوئی ویرانی سی ویرانی ہے

دشت کو دیکھ کے ، گھر یاد آیا

عشرتِ قطرہ ہے دریا میں فنا ہو جانا

درد کا حد سے گزرنا ہے دوا ہو جانا

ہم کو ان سے وفا کی ہے امید

جو نہیں جانتے وفا کیا ہے

بےخودی بےسبب نہیں غالبؔ

کچھ تو ہے جس کی پردہ داری ہے

شب کو کسی کے خواب میں آیا نہ ہو کہیں

دیکھتے ہیں آج اس ، بتِ نازک بدن ،کے پاؤں

یہ نہ تھی ہماری قسمت کہ وصالِ یار ہوتا

اگر اور جیتے رہتے ، یہی انتظار ہوتا

کعبہ کس منہ سے جاؤ گے غالبؔ

شرم تم کو مگر نہیں آتی

جب توقع ہی اٹھ گئی غالبؔ

کیا کسی سے گلہ کرے کوئی

منحصر ہو جس کی مرنے پر امید

ناامیدی اس کی دیکھا چاہئے

کوئی صورت نظر نہیں آتی

کوئی امید بر نہیں آتی

جب توقع ہی اٹھ گئی غالبؔ

کیا کسی سے گلہ کرے کوئی

کہتے ہیں جیتے ہیں امید پہ لوگ

ہم کو جینے کی بھی امید نہیں

ہم کو ان سے وفا کی ہے امید

جو نہیں جانتے وفا کیا ہے

واعظِ تنگ نظر نے مجھے کافر جانا

اور کافر یہ سمجھتا ہے مسلمان ہوں میں

ذکر اس پری وش کا ، اور پھر بیاں اپنا

بن گیا رقیب آخر ، تھا جو رازداں اپنا

میں اور بزمِ مے سے ، یوں تشنہ کام آؤں

گر میں نے کی تھی توبہ ، ساقی کو کیا ہوا تھا

یہ کہاں کی دوستی ہے کہ بنے ہیں دوست ناصح

کوئی چارہ ساز ہوتا کوئی غمگسار ہوتا

خواہش کا نام عشق ، نمائش کا نام حسن

اہلِ ہوس نے دونوں کی مٹی خراب کی

ہے کچھ ایسی ہی بات جو چپ ہوں

ورنہ کیا بات کر نہیں آتی

وہ آئیں گھر میں ہمارے خدا کی قدرت ہے

کبھی ہم ان کو کبھی اپنے گھر کو دیکھتے ہیں

نکلنا خلد سے آدم کا سنتے آئے تھے لیکن

بہت بے آبرو ہو کر ترے کوچہ سے ہم نکلے

جاتے ہوئے کہتے ہو قیامت کو ملیں گے

کیا خوب قیامت کا ہے گویا کوئی دن اور

زاہد شراب پینے دے مسجد میں بیٹھ کر

یا وہ جگہ بتا دے جہاں پر خدا نہ ہو

کہاں مےخانہ کا دروازہ غالبؔ اور کہاں واعظ

پر اتنا جانتے ہیں کل وہ جاتا تھا کہ ہم نکلے

غمِ ہستی کا اسدؔ کس سے ہو جزمرگ علاج

شمع ہر رنگ میں جلتی ہے سحر ہونے تک

عمر بھر غالبؔ بھول یہی کرتا رہا

دھول چہرہ پہ تھی اور وہ آئینہ صاف کرتا رہا

کچھ اس طرح سے زندگی کو میں نے آساں کر لیا

کسی سے معافی مانگ لی ، کسی کو معاف کر دیا

رنگینیٔ حیات بڑھانے کے واسطے

پڑتی ہے حادثوں کی ضرورت کبھی کبھی

نہ تھا کچھ تو خدا تھا ، کچھ نہ ہوتا تو خدا ہوتا

ڈبویا مجھ کو ہونے نے ، نہ ہوتا میں تو کیا ہوتا

جو تمنا بر نہ آئے عمر بھر

عمر بھر اس کی تمنا کیجئے