اردو
urdu hai jiska naam logo

اشعار حقیقی

سوز دل بے آنسووں کے اک قیامت ہے قمر

اس سے پوچھو جس کا گھر جلتا ہو اور پانی نہ ہو

قمر

خائف خدا ہے جن سے وہ انساں ہیں آج کل

ڈرتے تھے جو خدا سے وہ انساں نہیں رہے

نریش کمار شاد

اس صدی میں ترے ہونٹوں پہ تبسم کی لکیر

ہنسنے والا ترا پتھر کا کلیجا ہوگا

انجم

بلندی سے نظر اپنی ہٹا کر

اسے دیکھو جو نیچے گر پڑا ہے

روشن لال روشن

گناہوں کی بستی میں آباد ہوکر

خدا پر بھروسہ کئے جا رہا ہوں

شیدا

جینے سے تنگ آگیا ہر آدمی مگر

مرنے کے واسطے کوئی تیار بھی نہیں

شیدا

خدا سے لوگ بھی خائف کبھی تھے

مگر لوگوں سے اب خائف خدا ہے

نریش کمار شاد

کب سیہ بختی میں ہوتا ہے کسی کا کوئی

عالم نزع میں پھر جاتی ہیں آنکھیں جیسے

اشوک ساہنی