اردو
urdu hai jiska naam logo

دوست دشمن

اک لازمی سی چیز ہے جینے کے واسطے

وہ خوشنما فریب جسے دوستی کہیں

عمر انصاری

انہیں کے شیشۂ دل چور چور ہو کے رہے

ترس رہے تھے جو دنیا کی دوستی کے لئے

مخمور

وہی احباب جن کی دوستی پر ناز تھا ہم کو

ذرا سی آزمائش پر نہ پوچھو کیا سے کیا نکلے

شفق

وہی احباب میری مشکلوں پر آج ہنستے ہیں

ابھی کل تک میں جن کی مشکلوں میں کام آتا تھا

دواکر راہی

دوست مشکل میں کام آتے ہیں

مجھ کو اس اعتبار نے مارا

نند لال پروانہ

اور کیا ملتا ہمیں اس دور کے احباب سے

دل شکن فقرے ملے ، طعنے ملے ، چوٹیں ملیں

حفیظ میرٹھی

ہم تری دشمنی کو بھی اے دوست!

دوستی میں شمار کر لیں گے

نصرت گوالیری

دشمنی ہوتی ہے آخرکار کیا

دوستی کا رخ پلٹ کر دیکھ لو

اشوک ساہنی