اردو
urdu hai jiska naam logo

دوست دشمن

دشمنوں کی جفا کا خوف نہیں

دوستوں کی وفا سے ڈرتے ہیں

حفیظ بنارسی

دوستوں نے دئے ہیں زخم کہاں

دوستی کا صلہ دیا ہے مجھے

نریش کمار شاد

کتنا بڑا ثبوت مری سادگی کا ہے

احباب سے خلوص کا خواہاں رہا ہوں میں

نریش کمار شاد

دوستی اور اس زمانہ میں

ذکر کرتے ہو کس زمانے کا

نریش کمار شاد

مجھ کو آئینہ دکھاتے ہیں جب احباب مرے

اپنا چہرہ پسِ آئینہ چھپا لیتے ہیں

طاہر تلہری

مصیبتوں کا زمانہ بھی کیا زمانہ ہے

ہمارے دوست ہمارے نظر نہیں آتے

ہیرا لال فلک

دوستوں کی بےوفائی پر حفیظؔ

صبر کرنا بھی مجھے آ جائے گا

حفیظ میرٹھی

عدو پر اس قدر ، احسان پر احسان کرتا جا

کہ دشمن دوستی کرنے پہ ، خود مجبور ہو جائے

اشوک ساہنی