اردو
urdu hai jiska naam logo

دوست دشمن

ترے خلوص نے برباد کر دیا اے دوست!

فریب کھاتے تو اب تک سنبھل گئے ہوتے

مظہرالحق

دل ابھی پوری طرح ٹوٹا نہیں

دوستوں کی مہربانی چاہئے

عدم

دوستوں کو آزماتے جائیے

دشمنوں سے پیار ہوتا جائے گا

حفیظ جالندھری

آپ بھی دل کو دکھا لیجے مرے

دوستی کا حق ادا ہو جائے گا

روشن لال روشن

نظر آتی ہے کسی دوست کی صورت جو کہیں

ایک فہرستِ عنایات نظر آتی ہے

حفیظ جالندھری

تنہا سفر سے ساتھی بہتر

دوست نہیں تو کوئی دشمن

راشد حامدی

اپنوں کی محبت سے ، خدا مجھ کو بچائے

غیروں کی عداوت کا ، سہارا ہی بہت ہے

جگن ناتھ آزاد

دوستوں اور دشمنوں میں فرق بس جزبے کا ہے

دوست جب نفرت کریں گے غیر ہی کہلائیں گے

اشوک ساہنی